H.H. Joubert
Blomme

Bloeisel-tuine, bloeisel-kruine,
week met douw gestreelde bome
blaas uit blonde blomme-monde
swaar bevrugte geure-strome.

Groene en goue hallemvoue
hang, besoom met oggendvlamme.
Deur die blare heen gevare,
druip robijne om die stamme.

Glans-omwewe, wandel Lewe
(bont omsneeuw met vlokkies vlinders)
oor die lande.  Aan haar hande
hang blij-huppelende kinders.

Bo viooltjies wiegel viooltjies,
kwetter in 'n laning rose,
rij in rijgies op die twijgies-
als tot sangerkoor verkose.

Ridderspore, fier gebore,
son hul stasieuse toppies
Angeliere, slank van spiere,
neig met grasieuse koppies.

Sij-papawer tussen klawer
vlam in wind-gestreelde rije,
weef 'n drome-waas om lome,
teug-bedwelmde goue bije.

Maagde-skone anemone
bloot voor d'oë van d'oggendglore.
Madeliefies, harte-diefies,
lag vermaaklik met die môre.

Bloeisel-beelde, bloeisel-weelde
staan in kleur en glans geskrewe.
Deur die bome rose-arome
sweef en vul die wandeldrewe.


H.H. Joubert  (1874 - 1929)

laning: haag; ook laan




Blomme - A.G. Visser & H.H. Joubert


Rosa Rosarum (2 natuurgedigte)


Liefdesgedigte (Afrikaanse digters)



Homepage


Pageviews since/sinds 21-03-2002: 

© Gaston D'Haese: 19-12-2005.
Opgedateer op 08-02-2016.