|
AUTOOS
|
T'is Cliché, maar autoos interesere mich enorm. Veural Volkswagen en Audi. Sjoon modelle, veuroetstrevende techniek en oerdegelijk! Mien tweade autoo-liefde is Landrover! Modelle zeen sjoon van lielikheid, hardstikke oije techniek en alles geit kapot! Ich hoij neet van die nüj moderne SUV's, mer waal van die echte oij landrovers woa se teminste nog eens mit in de sliek en het water kens rije. Miene huidige landrover is geboewd door Minerva onger licensie van Landrover. Sie is van 1953. Nüj ongerdeile hoal ich veurnamelijk bie AG Landrover Unlimited!
|
||||||||
|
BOEWE
|
Ze zegge hiej in Belsj det "elke Vlaming geboare wurdt mit eine bakstein in de maag". Noa joare zeuke noa een betaalbare oij hoeve woa we koste beginne mit het aanligge van ene viea-stapel hubbe we maar besloate zelf een hoeve te boewe mit oij gerecupereerde boewmateriale. Hiej hebbe we mit steun van de schoonpa's een drietal joar euver gedoan. Het meiste werk woar duks nog de zeuktoch noa oij boewmateriale so-es handjvormstein, oij eikenhoute balke, oij tegelvloer oij kranen en mier van dit soort gerei. De moere van bunne woare den weer mekkelik, geweun een mengsel van leem, zand, kalk, strüe en vlasnolje dertegenaan gesmeerd! Es decoratie tegen de moere natuurlijk schilderieje, de meiste echte "Vinken's". D'r mote noch steeds get kleinigheden gedoan waere, maar het meiste is kloar. Thans wonen we dus in dees hoeve, hoeve "D'n Heksenkeatel". En het is woar waat de lüj segge. Eige haard is goud waard. 's Winters wurd de oape haard den auch elk weekend volop gestoakt!
|
||||||||
|
FILMS
|
Een gooij film op ziene tied vinje weer zalig. Helaas zeen die er tegenwoordig neet mier zo veul. Mit een gooij film bedoel ich neet die massaproducties oet Hollywood woa ze via de nüdige "propaganda" de lü noatoe probére te lokke! Eerder de minder bekende pareltjes. Hiej oze persônlike top zës: Le fabuleux destin d'Amélie Poulain Un long dimanche de fiançailles Jean de Florette / Manon des sources
|
||||||||
 |
 |
 |
 |
 |
 |
||||
|
GESCHIEDENIS
|
In 1971 besloot pap noa een paar gooi werm zomers det een zwumbad
achter in de tuin toch waal erg fijn zoe zeen. Mit ene houp kennisse die allemoal een sjup mit hadden gebracht begos men eind augustus achter in de tuin een flinke koel te grave! Groet woar de verbazing toen ze op oij funderingen en ene oije pottebakkersoven stoaten! De heemkundevereniging wurde derbie geroape. Oeteindelijk bleek het om een stuk van een Romeinse pottebakkersweuning oet 150 noa Kristus te goan! Joare later, in 1982 vonj men bie graafwerzaamheden in dezelfde stroat, de "Steenakkerstraat" in Maasbracht-Beak funderingen, moerschilderingen enz. van een groate Romeinse villa. Es kindj speelde ich doa al op "de diek". Ich vonj het toen doadnormaal det ich doa oij scherven vonj van potten, pannen en zelfs hiel oij gesmeede nėgel. Van dea tied aaf is de geschiedenis, mit name waat d'r noch euveral aan reste in de grondj zit, mich blieve interesere!
|
||||||||
|
GRIEKENLANDJ
|
Os veurliefde veur Griekenlandj is begonne toen we in 1988 besloate
eens in het boetenlandj op vakansie te goan. We hebbe de landjkaart van Europa gepakt en willekeurig mit de auge toe hie-op get aangeweze, dit woar het eiland "Skiathos" in Griekenlandj. Es verveur koch ich ene oije Fiat Panda veur 5000 Bfr. Wer name mier gereidschap en reserve ongerdeile mit as det we kampeerspulle biehadde. Bie elke grens die we passerden maakten we een foto anges ging nemes os gluive det we zover woare gekomme. We hebben het echter gehoald en zeen d'r vief weake mit de tent gebleave! Geweldig landj, oij cultuur en hiel vruntjelijke lü. Het kleine eilandj heeft 60 strandjes dus es se wilst kums se de hiele daag neemes tege. Det jachtige waat we hie in Nederland en Belsj mier en mier hebbe kennen ze doa noch neet! De joare do-op zeen we steeds weer truk gegange. Vanaf de boew tot noe is het der echter helaas neet mier van gekomme. We goan echter ZEKER nog eens truk!
|
||||||||
|
KAMPÉRE
|
So aaf en toe es het jachtige lėve val alledaag us teveul wurd trekke
we d'r mit de tent op oet. Wo we den zin hubbe, kampere we, leefst urges vriej. Nou hebbe we duk zat mitgemaakt det net op momente det ze 't nudig hebst de oetrusting het loat aafweete. Ich wil dus hie toch ffe get henjige hubbedinkskes de revü loate passere. 1. Leech veur 's Oaves!
Al hub se nog zoeveul lampe bie, op 't moment det se ze ech neudig hebst loate ze dich altied in de steek. Tegenwoordig hubbe we dus bie: Licht sticks, Hoofdlamp, Halogeen handschijnwerper en Sherpa zaklamp. 2. Góje sloapzak!
In de zomer van 2005 zeen wer noa Val 'd Isere in Frankriek geweast. Doa zoate we midde in de Alpe, op 3000 mêter hoogte. En koud det 't doa woar, 's nachs onger 't vreespuntj. We hubbe urges bovenop een hoage berg euverdaag zelfs in een flinke snieuwbui gezête, en det met de korte boeks aan! Volgende kier dus wermer kleier mit! Gelukkig hubbe we hiel gój sloapzek, zoedet we het 's nachs in de tent tenminste een bietje werm hadde. 3. Elixer D' anvers
Nou, dit is neet zomaar een fles drank, Nee, Dit is Elixer d'Anvers! Een alcoholisch drenkske oet 1863 mit wonderbaarlike eigenschappe. Zo is 't hiej in Belsj een bekend middel têge onger angere koliek bie peerd. Es ze ein fles mitnumst op expeditie kenst ze dea werme sloapzak waat hiejboave vermeldj stong vergeate, geweun 's oaves een gleaske Elixir D'anvers numme! 4. Kniep
Een gooij kniep is onmisbaar. Boete een mes en een zeagske is ene flesse -ôpener en ene kurketrêkker toch auch redelijk onmisbaar. Good veur de sociaal contacte en de doos es ze hiemit eemes anges kens helpe! Leefst vastmaeke aan een koard, anges raaks ze de kniep te snel kwiet.
'T belangriekste es se op expeditie vertrêkst. Num hiej genõg van mit, en den nog hebs se te weinig biej. Isoleert trouwes auch erg goot! |
||||||||
|
LEKKER ÈTE
|
Lekker ėte, det kenste waal in Belsj. Diana kent hiel lekker koake en is in stoat om noa een restaurant bezeuk de lekkerste gerechten waat we gepreuft hebbe noa te maeke! En det alles mit een gooij glaas wien. Twie keer per joar sloan we hie ene veuroad van in. We hŭbbe os eige greunte oet de moostuin, de kippe zorge veur de eiere en de fruitbuim levere in het noajoar voldoende fruit. We ėte veurnamelik vis of vegetaris, bieno noeit vleis. (Natuurlijk vreemd es se wits det mien mam oet een slechtersfamilie kumt). Neet det vleis neet lekker is, maar mit name het vervoer van bieste vinje we toch beheurlijk zielig. Es we op restaurant goan bezondige we os soms toch aan een stukske vleis. Restaurants genog in de omgêving! Oze persoanlike top 5 is: * Het Vrouwenhuys (Oud-Turnhout) Helaas is't Vrouwenhuys gesloate, de kok is noa Frankriek vertrokke. Es emmes wit woa precies mot d'r det mich mer es loate weite via 't bezeukersboak! Wir zeuke nog steeds een soartgeliek restaurant, dus tips zeen mier es welkom. Es "nüjkommer" wil ich zeker "La bonne de la Mer" in Oud-Turnhout vermelje! Doa merks se geweun det de eigenaars hel aan de weag tummere om alles steeds weer te verbetere en zoa de lat steeds hooger te ligge! Een speciaal vermelding verdeent toch wael het oadste en kleinste kafé van Turnhout woa het mit driehongerd soarte beer meuilik kéze is: Woa we in os jong joare menig Belgisch beer gedegusteerd hubbe en auch noe bie gelegenheid nog eens gear langsgoan!
|
||||||||
|
LESGÈVE
|
Euverdaeg geef ich technische trainingen aan de werkplaatsmedewerkers
van Volkswagen & Audi in Nederlandj. Det is leuk omdet ze lü van allerlei pluimage bie dich op cursus kriegst. Allemoal mit deselfde interesse, zorgen det de Volkswagens & Audi's in Nederlandj probleemloos euver de weag blieve rije. Kilometerstenj van 500.000 KM zeen tegenwoordig eerder regel den oetzonjering bie Volkswagen & Audi. Es d'r ene nüje Audi oetkumt, den goan we meistal mit tweej treeners noa Ingolstadt of Neckarsulm in Prüses. Doa kriegen we den de technische vernujinge te hüre. Weer passen den zone cursus aan veur Nederland en geave deze vervolges. Eine ovendj in de weak geve Diana en ich les aan het Volwassenongerwies in Hoogstraten, det ligt auch in Belsj. Dit is mier een hobby veur os, het is hiel leuk en geuft veul voldoening! De leeftied van de cursisten varieert van 16 tot 70 joar! Hunne achtergrond is hiel verschillend.
|
||||||||
|
LÈZE
|
Toen ich twee joar woar bekeek ich euveral alles woa letterkes op stonge. Volgens mien oijers verzuchte ich den altied......"Och, koos ich toch al maar lėze"! Toen ich det kos loos ich auch alles waat er maar te lėze veel. Bovendien had ich op de zesde klas van de legere schoel in Maasbracht-Beak eine meister, meister Scheepers, dė geweldig veurlėze kos. Auch van hem heb ich de liefde veur een good book mitgekrege! Favoriete schrievers zeen onger angere: Waat neet wilt zegge det ich niks anges lės. De plek woa ich gėr lės is auch neet verangert!
|
||||||||
 |
 |
 |
 |
 |
 |
||||
|
MUSIEK
|
Miene smaak veur musiek is hiel gevarieerd en soe wie bie ene houp lü
duk afhankelik van mien stumming. Det geit van modern tot klassiek. Verder vinj ich Ierse muziek auch erg sjoan. Es 't moar neet van dė moderne repmuziek is, det vinj ich versjikkelijk. Auto rije zonger muziek vinj ich auch versjrikkelijk. Zeker es se den mit een goad nummer kens mitzinge. Maar good det 't tegenwoordig mobiele telefoons geuf. Dinke de lü tenminste det ich in de wagen aan 't belle bun. Helaas maakt de Minerva zoeviel lėve det es ich muziek zoe aantitte weer deze toch neet zoehe huare. Vreuger hub ich blokfluit en piano gespeelt. Veur ene piano bun ich noch steeds aan 't kieke. Ich hub waal een harmonium mer het geluid waat deze produceert is neet te vergelieke mit ene schoane piano!
|
||||||||
|
OPE HAARD STOAKE
|
's Wintersj wurd elk weekend de oape haard gestoakt. Allein joamer det het hout in ene oape haard zoa schnel opbrandt. Dus mot ich om de zouveul tied op jacht noa nüj hout. Het zėge en klieven is nog het zwoarste werk. Het opstapelen is den een precisiewerkske. Het leefts eikenhout, brandt lang en geuf veul wermte!
|
||||||||
|
PEERD
|
Es se oijer wurst heb se de neiging bepaalde wensen oet de jeugd te
verwezelijke. So is 't auch mit peerd. Toen ich nog een junkske woar van een joar of veer, miene broar woar toen nege, hadde weer twie peerd, of beter gezag twie ponnies. Ich reej op Rasja, ene Shetlander en miene broar Frank reej op Juul. Later kwaam Olaf, ene schummel. Helaas hadde we probleme mit de stalling van dees peerd in de wei achter os hoes sodet we d'r áfschied van moste numme. Een tien joar later heb ich toen nog gereje op ene ponny, Petra genaamd, van Tinus Deckers oet Maasbracht-Beak. Ich reej toen bie peerdrieclub "Hutskesbeak" in Maasbracht. Toen Petra op hoge leeftied euverleej naam ich mich veur later zelf peerd aan te sjaffe, leefst groat en swart so es in de televisieserie "Dick Turpin" te seen woar in het beginstuk. In 2002 hubbe Diana en ich twee Friese veules aangesjaft, Gentle en Hasco. Elk mit een eige karakter maar geweldige beeste. Biej Pieter Baalbergen hubbe we een cursus "communiceren mit peerd" gevolgd. Ene houp duist se automatisch good maar doe duist toch ene houp ideen op! Op dit moment zin we volop bezig mit de Pat Parelli Methode. Werkt hiel erg good! Zo gauw ich mier tied hub zal ich get foto's publicere! |
||||||||
|
POLO SPÉLE
|
Polo wurd gespeeld door 2
teams van véér ruiters op klein peerd, poloponnies genumd. Het veldj is 275 bie 146 mêter en rondjom aafgezat mit houten plenk. 'T is de bedoeling det se ene houte bal door de gool van de têgepartie te sloan mit ene lange stick, mallet genaamd. De goolpeul stoan 7,5 mêter oet elkaar en hubbe gêne boavekantj. Noa elke gool wurd d'r van speelhêlft gewisseld. De wedstrijd bestuit oet 6 chukka's van elk 7 minute speeltied. Noa 7 minute wurd d'r getoetert. Wurdt d'r den nog gespeeld geit det nog 30 seconde door veurdet weer getoetert wurd, det is den het echte einde. Verlenginge zeen enkel mögelik noa verwoninge, stroafmoatregel of onveilige situaties. Noa elke chukka wurd d'r gewisseld van peerd omdet die keikapot zeen. Dit moag auch tùssedoar mer den wurd waal geweun doorgespeeldj. De spelers bestoan oet: Nummer 1, det is de spits dê mot aanvalle. Nummer 2, spelverdeiler, mot de bal noa nummer 1 zeen te kriege. Nummer 3, coordinator van zoewel aanval es verdediging, en tevens captain. Nummer 4, de verdediger. Spelregels zeen d'r veural om spelers en peerd te bescherme. Belangriekste regel is det ze de lien tusse speler en bal (line of ball) neet moogst krüse! Om te zorge det zowel gooij es minder gooij spelers toch mit mekaar kenne spele wurdt d'r gewerkt mit een handicap systeem. Ene beginneling hêêft een handicap van -2. De beste spelers van deze wêreldj hubbe een handicap van 10 Het team mit de liegste totale handicap kriegt compensatie, oetgedrukt in goals. Om derveur te zorge det het veld noa elke chukka bespeelbaar blieft wurdt het publiek gevroagd tussendoar op 't veldt te komme en losse graaspul opnüü vas te trappe.
|
||||||||
 |
 |
||||||||
 |
 |
 |
|||||||
|
ROTTIGHEID OETHOALE
|
Een grepke op ziene tied mot kenne. So lang es d'r maar gin blood vloeit en gin doeije valle! Auch het leefst neet teveul materiele schaai. Waat zou het saai zeen es so aaf en toe neet ene kier gelache kent wêre?
|
||||||||
|
TECHNIEK
|
Techniek is fascinerend. Es ze kiekst waat vanaf de eerste lui op aarde al is oetgevonje om het leven draaglikker / mekkelikker te maken............... T'is joamer det waal de kunst oet de oudheid duk in de belangstelling stuit maar neet de techniek oet de oudheid. Es weer eens noa een rommelmert goan, beveurbeeld in Tongeren of Turnhout, hub ich altied de meiste belangstelling veur ooij gebroeksveurwerpe. Hoe zoe het dageliks lêve d'r oetzeen zonger gebroek te kenne maken van auto, fiets enz? Of zonger TV? Al zoe ich soms waal wille det als alternatief op de autolooze zonjig van vreuger der ene TV-looze zonjig kumt! Heb sterk de indruk det weer allemoal veul ste veul beinvloed wêre door de TV tegenwoordig. Zeker de jeugd, die is op ene bepoolde leeftijd so wie so al behuurlik beinvloedbaar.
|
||||||||
|
WANJELE
|
Wanjele is fijn, mits door de natuur.
Paar gooij sjoon zeen noodzakelik. Duks investere de lü waal in gooij sjoon maar neet in gooi zŭk!
Hiej in de buurt wanjele we meistal in de Liereman in Oud-Turnhout. Aafgeloupe zomer noa Val d'Isere gewês in Frankriek. Ginge we doa eindelik wanjele in het plaatselik natuurpark Vanoise National Park, wanjel ich zoe fanatiek det mich de zool vanonger de sjoon sprong! |
||||||||
|
WATERSPORT
|
Ich wool ierst twie titels gebroeke, zwumme en surfe. Dit hub ich dus noe mar onger "Watersport" neergezat.
Zwumme 't leefst in Griekenlandj, maar det is 'n flink stùk rije. Den maar in de Melle In Turnhout. Trouwes aan némes doorvertelle, want doa moochst ze hielemoal neet zwumme! Vroag mich neet woarom, ich hub gein flauw idee. Ich hub vreuger toen ich klein woar noa het zeen van "de man van Atlantis" op TV auch zoa es probére te zwumme es dê deej. Ich kwaam echter gene meter veuroet. Laater is dêzelfde "man van Atlantis" trouwes op 't dreuge goan woane, toen zoog ich em in ein of anger TV-serie, Dallas genaamd, en doa woonde d'r op ein groate ranch! Op de Melle, doa heub ich auch waal es gesurft, maar schient det doa enkel lede van de ein of anger club moge surfe. Diej hubbe allemoal een lintje bove aan de mast zitte zodet ze snel zeen es se gin lid van de club bus.
Nee, geaf mich den maar wéér Skiathos in Griekenlandj, doa wejt 't altied aan eine kant van 't eilandj, dus doe kenst biena altied surfe!
|
||||||||
|
WIEN
|
In deenst had ich ene collega, déj woar beroepsmilitair, déj had es
hobbie beer broewe. Ich kos inmiddels Diana, kwaam dus vaak in Belsj, woar trouwens auch gestationeerd in Tongeren in Belsj, en had dus auch kennis gemaakt mit de diversiteit aan Belsje beersoarte.
Mien beste broewsel woar toch wael een soart zwòre Scotch Ale! Pas veul later bun ich mich mier veur wien goan interesere, al is beer qua samenstelling en browproces veul interesanter en ingewikkelder! Ich pretendeer neet ene wienkenner te zeer, maar same van een lekker gleaske wien geniete doan we beide gêr. Twie kier per joar kaupe we, noadet we zeen goan preuve, wien in, dê verdwient den metein in de kelder om noch get te ligge. Grofweg verdeile we de aangekochte wien in twie katagorieje, de wien veur in het wiekend, door os slobberwien genumd, en de goije bewaarwien.
Det is moeilik, want doe most zeen te verspelle hoe dê desbetreffende wien, dê en noch jônk is, zal smake euver een paar joar. We consumere neet veul, ein fleske in een wiekend, hiel soms twie in een lang wiekend. Favoriet zeen o.a. e "Kastiel nége van d'n paus", "Kastiel Dassault MDC, Grote Cru St. Emillion", of "Amiral de Beychevelle MdC, Saint-Julien".
|
||||||||
|
4x4 RIEJE
|
Urges begin 2001 náme Diana en ich 't besloet det d'r toch eigelik waal
ŭne twiede waege bie mös kömme. Leefst ene oldtimer, öpe daek, en 4x4. Ichzelf dach aan eine VW Iltis / Bombardier, omdet ich veur Volkswagen werk en omdet ich weit det het een good, betroewbaar merk is!
Diana vonj dė qua model veul sjooner es ene VW Iltis. Dit woar ene Minerva van 't Belsj leger. Via ene cursist van het volwassenongerwies dê in 4x4 deej, kwaame weer biej ene Minerva terech dê biej ene boer in het verkes/kippenhok stong, same mit ene aanhanger. Dit hubbe we compleet gekoch, en une vrundj van os hêf os toen noa Kinschot gesleipt. Noa twie joar sleutele kõs de ierste proefrit gemaakt wêre. Onger Foto Album stoan foto's van de restauratie. Toen de auto einmoal reej ging eine gans nüje wêreld veur ôs oape. Mit zone 4x4 kumst se nameliek op plekskes woa se mit eine geweune wagen neet kumst. Opêns zôge we de bossen rôndom Kinschot en Corsendonk vanoet ein hiel anger perspectief, nameliek vanaaf de modderpêdjes woe se normaal neet ens loupe kenst! Langzaam ontdekst se waat zone 4x4 allemoal kent, en waat d'r neet kent. Den geist se grenze verligge. Rieje in Nederlandj, den Pruises, den in de Ardenne. Oeteindelik in Frankriek. Op dees tochten zeen er daag biej det se oere aan ein stuk neemes tegenkumst. Riedt se in eine groep, den gelt d'r det eederein mekaar hulpt. Langzaam ondekst se auch de beperkingen van ene 4x4 oet 1953 mit blaadvêre. Mos de auto in het begin nog zo origineel meugelik zeen, noadet se hebst vastgezeate in de modder, det de ongerkantj vasgeloupe is op een verhoaging en se allebei de kop gestoate hubst, det de benj neet genóg grip hubbe, det ze steeds van de steul afgliedst es de wêg te roew is, den mos se dinge goan verangere om dit in de toekomst te voorkomme. Es se det zoveul meugelik hubst gedoan bereiks se urges ein grens. Doarom det we nog eine Landrover hubbe aangesjaft, of eigelik twie. Eine Range Rover en eine Series III. De bedoeling is om van dees twie samen eine nüje 4x4 te boewe. De ultieme SwampRaider! Op papier hub ich em al veur ein groet deil kloar, maar in 't ech................ Wurd vast nog vervolgd!
|
||||||||
