HOEKOM KRY JY KOPSEER
AS JY WYN DRINK?
HOEKOM KRY JY KOPSEER
AS JY WYN DRINK?
In Julie 1993 was daar 'n bydrae oor "SOMERWYNE" in die Vlaamse
koerant HET VOLK.
Hulle skryf toe : ..." En dan is daar die heerlike
Suid-Afrikaanse wyne. Sagte wyne,wat die wonderlike natuur en die
buitengewone klimaat
van die land weerspieël.En wat veral GEEN
KOPSEER oplewer nie. Want dit is die waardemeter as 'n leek wyn proe :
die wyn behoort te smaak en die
volgende dag
mag jy nie kop-of maagseer kry nie."
Hoekom jy kan van wyn kop -of maagseer kry?
Dié antwoord het ons gevind in 'n brosjure wat ons
van ons apteker kry onder die titel :
WYN, PAS OP VIR BYMIDDELS.
Bymiddels is bewaarmiddels wat by die wyn gevoeg word
om 'n nuwe gisting te voorkom. Veral swaweldioksied (SO2)
lei tot hierdie steurnisse.
In wyn,kom swaweldioksied voor in twee toestande :
vry of in organiese verbinding met andere bestanddele.
Die totale gehalte swaweldioksied is die som van vry
SO2 en gebonde SO2.
As hulle in België wyn bottel, word daar ongeveer 100mg/l
swaweldioksied bygevoeg.
Hierdie SO2 kom dan by die 150mg/l
wat alreeds in gebonde toestand in die wyn aanwesig is.
Méér as 90 persent van die wyn in België word verkoop by
die supermarkte, en méér as 60 persent van dié wyn word
in België gebottel.
BESLUIT : die wyne het 'n hoër SO2 gehalte as
in die land van oorsprong.Ons beveel dus aan om
by gespesialiseerde wynhandelaars net gesertifiseerde wyne te koop
,
soos BV die KAAPSE WYNE wat in bottels ingevoer word.
WAT IS PINOTAGE?
Pinotage is 'n erkende cultivar in Suid-Afrika.
Dit is 'n hibried wat reeds in 1924 ontstaan het
uit 'n kruising tussen
Pinot Noir en Cinsault (die druif van Hermitage).
Vandaar die naam.Die eienskappe van die oorspronklike
druiwesoorte is in hierdie wyn terug te vind.
Pinotage val op deur
'n sagte karakter. Baie gewilde
pinotages is dié van KANONKOP en van BEYERSKLOOF.
WAT IS ZINFANDEL?
Die wyne wat gemaak word van Zinfandel gaan van bleek
“blushing” wyne tot dik, soet Port-agtige wyne,
maar die mees interessante is tog die fyn, karaktervolle
droë rooi wyne. Hulle lyk party keer ‘n bietjie op Shiraz.
In Kalifornië word die bekendste “Zins” gemaak in Napa (York Creek),
in San Luis Obispo (Paso Robles) en in Amador County
(Shenadoah en Fiddletown).
Buite Kalifornië is Zinfandel seldsaam.
In Wes-Australië word daar ‘n goeie Zinfandel gemaak
in Cape Mentelle. Ook in Suid Afrika is Zinfandel nie baie verspei nie.
Tog is daar ‘n paar uitstekende Zinfandels,( veral as hulle goed
verouder in houtvate), soos Blaauwklippen,
Hartenberg, Bertrams en Welmoed.
WYN VAN OORSPRONG?
Tot in 1973 was daar in Suid-Afrika geen enkele sisteem wat vergelyk
kon word met die Franse "Appellation d'origine contrôlée" nie.
Toe voer 'n wetlike reëling die Wyn-van-Oorsprongseël in
wat op die hals van die bottel aangebring is en wat die egtheid
van die etiket sertifiseer.
Die herkomsbenaming, die oesjaar en die cultivar is
respektiewelik weergegee deur 'n blou, 'n rooi en 'n groen bandjie.
Die vermelding "landgoed/estate" het geslaan op 'n erkende
produksie-eenheid, terwyl die vermelding "superieur/superior"
verwys het na die beter wyne en waarby 'n goue seël gebruik is.
In 1992 het die Wyn-en Spiritusraad besluit om net een seël
te gebruik.Dis wit/swart en kleiner, maar het 'n identifikasienommer
en dra die woorde "gesertifiseer" en "Wyn-en Spriritusraad".
Daardie nommer gee aanduidings van 'n baie streng kontrole uitgevoer
vanaf die pars van die druiwe tot die finale produk.
Die waarborge wat die nuwe seël verskaf bly dus dieselfde :
naamlik dat die wyn tydens die sertifikasie van goeie gehalte
was en dat die gegewens i.v.m. oorsprong (inkl. landgoed),
oesjaar en cultivar
gekontroleer is op hulle egtheid.
DIE WYNGEBIEDE VAN DIE KAAP
Die wyngebiede van die Kaap lê op dieselfde afstand Die belangrikste wyngebiede van die Kaap is :
van die Ewenaar as die wynlande in Europa, Noord-en Suid-Amerika,
Australië en Nieu-Seeland.
1. Constantia *
2. Durbanville *
3. Stellenbosch District *
4. Paarl District *
5. Franschhoek Valley *
6. Tulbagh *
7. Swartland District *
8. Piketberg District
9. Worcester District *
10.Robertson District *
11.Swellendam District
12.Overberg District *
13.Klein Karoo Region *
14.Olifantsrivier Region *
15.Douglas District
DIE BERGKELDER
beroemde “kelder in die berg”, die Bergkelder -
die eerste van sy soort in Suid-Afrika.
Die Bergkelder is ‘n instelling wat uniek is in Suid-Afrika.
Dit kombineer elemente van die negociants se rol in Frankrijk
met dié van groot wynkoöperasies, landgoedeienaar en groothandelaar.
Die Bergkelder maak ook sy eie wyn - internasionaal bekroonde wyne
soos die Stellenryck versameling, Fleur du Cap en Pongracz,
‘n Méthode Cap Classique vonkelwyn, en bemark voorts ook
kwaliteitswyne van die voorste landgoedere.
Die Bergkelder se streng kwaliteitsbeheer geld reeds by sy eie
onderstokmoederplantasie, waar gekeurde plantmateriaal gekweek
en dan aan geselekteerde wingerdboere in die Kusstreek
van die Kaap die Goeie Hoop verskaf word. Alleen die beste
druiwe van dié wingerde word vir die Bergkelder se wyne gereserveer.
Hierdie druiwe word in sy kelder in Stellenbosch
-een van die tegnologies mees gevorderde in die Suidelike Halfrond-
gebruik vir die bereiding van die Bergkelder wyne.
Die Landgoedere ‘n Aantal van die voorste wynlandgoedere in die onderskeie
wynstreke in die Wes-Kaap het ‘n unieke vennootskap met die Bergkelder.
Die individuele wynmakers produseer hul eie wyne, van druiwe gekweek
op die landgoedere, in hul eie persoonlike styl, waardeur
die kenmerke en individualiteit van die wyne verseker word.
Elke jaar word die beste van hierdie edelwyne gekies en
internasionaal bemark deur die Bergkelder. Die Bergkelder
se wynlandgoedvennote sluit onder meer bekroonde wynetikette in
soos Allesverloren, Alto, Jacobsdal, La Motte, Le Bonheur, L’Ormarins,
Meerendal, Meerlust, Middelvlei, Rietvallei, Theuniskraal en Uitkyk.
VIR ‘N SATELLIETFOTO VAN DIE WYNLANDGOEDERE EN
DIE "MOOISTE KAAP IN DIE GANSE WERELD", KLIEK HIER !
